魚村

营业中

休息中

晚餐唔貴，$58起跳，仲要有飯有麵，水煮、酸菜、蕃茄湯，真係花多眼亂仲要包小食一款👍蒜泥白肉：肉淡蒜泥香而不辣👍鹽酥雞：熱辣辣，非常香脆涼拌豬肚：非常惹味嘅香辣，豬肚絲夠淋蕃茄湯牛肉米粉蕃茄湯非常似用新鮮蕃茄煲煮再攪爛而成，因為冇乜鹹、甜味，反而有新鮮煮過蕃茄果種鮮！牛肉用上滑牛，整體都好味又清淡金湯酸菜牛紅薯粉湯底唔錯，有香味，但花椒味同酸度不足，未夠濃郁。水煮魚米線水煮嘅湯未到濃郁，有少少似溝咗水，辣度只有少辣，花椒味香。魚片量多，而且一片片冇散開，非常鮮嫩，配料都有啲金菇芽菜等，非常夠飽