影片
更多
2016-03-06
247 浏览
希雲街一帶食店林立，之前經過呢間串燒小店已經覺得幾得意，於是就約埋朋友黎食下。大約七點半去到，店鋪入面已經8成滿，好彩我有訂枱，如果唔係都幾難有位坐到5個人。今次我同朋友坐bar 枱，所以可以清楚酒bar嘅情況，別有一返風味。呢度有酒精同無酒精飲品，每日3至8 happy hour期間，酒精飲品仲有75折。我唔飲酒，今次揀左菠蘿汁，呢度嘅冰係一粒大大粒嘅ice ball，比一般用冰粒嘅特別。呢度食物款式都幾多，而且仲有季節特式食品，要問先知當日有d咩，因為呢度每日都會入新鮮嘅貨，所以特式食品每日都可能唔同。芥抹魚蛋($48) 初初睇以為係蘿蔔，原來係日本魚蛋！魚蛋厚切成一片片，食落幾彈牙，味道甜甜哋，上面加咗wasabi，味道特別。黑松露日本冷蕃茄($75)一道不錯嘅前菜，多汁清甜，上面加咗黑松露，一上到枱就傳嚟陣陣香氣，下面加咗醋伴住蕃茄，食起黎幾開胃。白飯魚乾($68)，非常好嘅佐酒小食，製法係將好多好多嘅白飯魚仔整成一塊塊再拎去炸，炸成香口又鮮味嘅白飯魚乾，作前菜同朋有傾下計食下野好唔錯！燒黑豚腩($36)肥瘦適中，油脂香口，燒至外面微微香脆，唔會覺得膩，加咗少少七味粉去調味，食
大約七點半去到，店鋪入面已經8成滿，好彩我有訂枱，如果唔係都幾難有位坐到5個人。
今次我同朋友坐bar 枱，所以可以清楚酒bar嘅情況，別有一返風味。
呢度有酒精同無酒精飲品，每日3至8 happy hour期間，酒精飲品仲有75折。
我唔飲酒，今次揀左菠蘿汁，呢度嘅冰係一粒大大粒嘅ice ball，比一般用冰粒嘅特別。
呢度食物款式都幾多，而且仲有季節特式食品，要問先知當日有d咩，因為呢度每日都會入新鮮嘅貨，所以特式食品每日都可能唔同。
芥抹魚蛋($48) 初初睇以為係蘿蔔，原來係日本魚蛋！魚蛋厚切成一片片，食落幾彈牙，味道甜甜哋，上面加咗wasabi，味道特別。
黑松露日本冷蕃茄($75)一道不錯嘅前菜，多汁清甜，上面加咗黑松露，一上到枱就傳嚟陣陣香氣，下面加咗醋伴住蕃茄，食起黎幾開胃。
白飯魚乾($68)，非常好嘅佐酒小食，製法係將好多好多嘅白飯魚仔整成一塊塊再拎去炸，炸成香口又鮮味嘅白飯魚乾，作前菜同朋有傾下計食下野好唔錯！
燒黑豚腩($36)肥瘦適中，油脂香口，燒至外面微微香脆，唔會覺得膩，加咗少少七味粉去調味，食起上嚟少少辣更好味。
燒牛舌($48)有厚度，唔係薄身嗰啲，咬落軟熟唔會韌，有彈性，加少少檸檬汁平衡牛嘅油脂味道更佳。
燒金鯛($88)係餐牌入面無嘅季節限定食品，朋友鐘意食魚所以餐廳推介我哋食呢款燒金鯛，朋友話金鯛肉質鮮嫩，但魚味可以再濃郁d。
燒雞翼($36 /2隻)燒得外面香脆，裏面嘅肉質唔會乾，外面加咗少少鹽一齊燒已經好好味。
燒羊扒($88) 送上枱嘅時候已經將肉喺骨切咗出嚟，並切成一片片，進食方便，羊扒唔肥膩，亦唔會太羶。
日本花竹蝦($118) 隻隻都好大隻，同枝竹籤一樣咁長！花竹蝦用鹽燒方法烹調，食嘅時候加少少檸檬汁，食落蝦肉彈牙鮮味。
煙肉車厘茄($34)、煙肉荔枝($34)，兩款中比較喜歡煙肉荔枝，荔枝味甜，煙肉咸香，一咬落去荔枝有好多汁，又可以中和煙肉嘅油膩。
日本小蕃薯($28)，呢啲蕃薯仔入口綿綿的甜甜的，值得推介。幾個女仔黎呢度真係唔錯，因為環境一流，唔會好嘈，可以開懷咁傾計，食物會慢慢一樣一樣咁上，新鮮好味。
张贴
