Burger's Friend Forever (希慎廣場)

营业中

休息中

希慎廣場底下兩層有好多美食，今次試咗BFF💫🍔侯斯頓漢堡 美國穀飼安格斯牛肉配秘製燒烤汁件車打芝士，蕃茄，煙肉，羅文菜及紫洋蔥加配薯格 （我叫咗套餐，所以有🥗田園沙律同埋汽水 ）漢堡嘅主角係美國穀飼安格斯牛肉，肉質鮮嫩多汁，配上秘製燒烤汁，味道濃郁。車打芝士融化得剛剛好，增添咗一份滑溜感。而蕃茄同煙肉嘅搭配，令整個漢堡層次更豐富，口感更佳。羅文菜同紫洋蔥帶來清新嘅口感，令味道唔會太膩。套餐中嘅田園沙律清新爽口，味道相當清淡，適合搭配重口味嘅漢堡。再加上一杯汽水，真係完美嘅搭配。🍝香蒜白酒蜆肉意粉配黑松露雜菌忌廉湯 意粉煮得剛剛好，醬汁濃郁，蜆肉可以係話大量！好滿足！黑松露嘅香氣令整道雜菌湯更加高級。