經過見到有all day breakfast，就入黎食個下午茶。
menu有四頁：
叫左個英式全日早餐，優惠價$58
餐飲的柚子冰紅茶，零柚子味、零甜味、零冰塊，只係一杯凍凍地既紅茶
好多時都會食ALL DAY BREAKFAST，友人話齋，好難整到唔好食。我第一次，真係第一次食到個難食既，真係難得一遇
。呢個英式全日早餐，全個餐三個字形容，乾! 硬! 凍! 
先唔好講個份量喇，你個焗豆唔整返熱佢亦都算喇，蛋、腸、煙肉全部都係凍既!!!
真係好唔尊重食物，亦都唔尊重啲食客，咁都上得枱!! 睇下條腸都擺到皺晒皮，你就知擺左好耐，又硬又乾又凍。連個煎蛋都係凍，硬掘掘既! 呢個味道係值零粒星，唔好話唔值$58，免費請我食我都唔想食!
問個職員你呢個餐全部都係凍架? 佢話: 我攞入去整返熱佢。 隔左陣又攞返出黎，係熱左既，求其擺入微波爐叮吓佢敷衍了事! 啲菜都叮到變梅菜。
另外叫左個吞拿魚沙律芝士大牛角包連湯$45，再加$8有熱咖啡及鮮果沙律
吞拿魚沙律芝士大牛角包，味道OK既，有幾粒仔芝士碎(見圖，總芝士量係細過個一毫子)
咖啡係即磨咖啡，味道一般，奶都係凍既
半個鐘個湯都到，催左次，隔十五分鐘都未到，又催第二個，再等多五分鐘先送到。
意大利雜菜螺絲粉湯，呢碗湯係啱啱上枱的，並無飲過。個碗係崩既，零螺絲粉，而個湯係微暖既，我隻手既溫度係熱過碗湯既!!
本來都冇諗住寫食評，但真係忍唔住。寫寫吓睇返個MENU先記得係有個鮮果沙律，又問職員攞返，個職員先去改單。等左五十五分鐘先到既鮮果沙律:
個湯同個鮮果沙律都係冇入到單既，但錢就會收足，野食唔問佢攞呢，就冇架喇!
以前夜晚食過幾次甜品都正正常常，係等野食要等好耐。今次差到咁，唔會有下次了
~~
