朋友想食譚仔, 一於奉陪. 本人都好耐冇食過了.
入到黎都係搭台. 二話不說要返例牌雞肉炸醬酸辣米線, 另外加多3隻土匪雞翼
依然非常大碗, 今次我都係岩岩好食得晒. 不過可能我本身唔太肚餓.
酸辣湯底還可以. 但印象中以前係好食d. 依家冇左"死都要食"o個種瘋狂了.
米線一食就知差左好多, 我第一次食o個時係覺得佢d 米線好正. 其實都唔係第一次覺得差左, 只係回想返以前, 有d 可惜. 可能總店依舊, 但分店卻掛羊頭賣狗肉.
以前d 米線係非常彈牙, 好有煙韌度. 但依家哩d 真係普通料. 林左好多, 食完個口仲有少少粉粉地.
雞肉炸醬都不過不失. 我諗佢個炸醬點衰都會有返個譜.
野飲要加$5, 倒不如飲價值$1 既酸辣湯底好過了.
土匪雞翼.
依舊好正. 雞翼夠大集, 外面好鬆脆. 好香, 但始終食唔出係咩香料黎.
不過$16 得3隻真係好q 貴!!!
依家佢個價同老麥差唔多架啦. 但都會揀佢既, 衰極都仲有個譜, 可能係自己咀雕. 其實仲可以接受. 但真係同以前差一大截了.
