天天素食

前一晚同朋友傾電話時講起懷舊小食,
不約而同講起食時一定要攤長o黎食o既芝麻卷,
點知朋友第二日真係走去搵!

跑勻半個荃灣,
走遍多間齋舖,
終於o係好心街坊報料下,
o係呢度搵到芝麻卷!

朋友自己食o左三條,
醒o左六條俾我!
我都唔記得o左係咪五蚊條,
淨係知好大條!

朋友話嫌皮太厚,
條卷太粗,
感覺麻麻地,
冇細個食o個d咁好食!

我都認同d皮厚o左d,
但味道算ok!
唔會過甜,
有芝麻味!
其實味道都係其次,
感動o既係朋友一番心意!
跑到身水身汗,
先搵到宜家甚少地方有得賣o既芝麻卷!!

傻瓜超人~
多謝你!!

巨型粗壯芝麻卷