川味閣

营业中

休息中

周街都係米線鋪，主打酸辣嘅有好多，不過都係比較鍾意呢間川味閣。間鋪頭雖然細細地，但係坐得都算舒服，侍應端上嘅麵大大碗，香噴噴，令人食指大動。豬頸肉酸辣炸醬米線，有大量炸醬、酸菜、芽菜，配香濃嘅豬骨湯底。豬頸肉淥得啱啱好，口感柔軟。炸醬同酸菜落足調味料炮製，散佈係湯裏面，每飲一啖湯，都可以咬下啲肉同菜，酸味辣味融為一體。朋友叫咗無湯嘅肥牛熱拌幼薯粉，都有一大堆炸醬、酸菜、芽菜，仲有埋花生。佢話花生好脆口，不過肥牛太多脂肪，食落比較韌。仲有好多配料任君選擇，都係$4或$5，抵！加$6仲有野飲。