1
上海婆婆最近在這裡也開設了分店, 地方好闊落, 重點是用餐環境舒適和多卡位, 點心主食多選擇。
陳年花彫醉雞
雞肉好肥美, 肉質嫩滑又有濃郁花雕酒味, 鹹度又啱啱好, 口感清新鮮味。
外婆紅燒肉
紅燒肉腍滑鬆化, 吸收的濃郁醬汁, 肥美而不油膩, 還有粉甜嘅栗子, 甜香味道好豐富。
農家小炒肉
辣辣地惹味又醒胃, 薄切腩肉肥而不膩, 青椒芹菜香口爽脆。
酸菜福花菜炒牛仔肉
牛仔肉鮮嫩滑溜, 酸菜和福花菜好爽脆, 酸甜清新又開胃。
松子菜粒炒飯
炒得好有鑊氣, 炒飯乾身, 粒粒分明, 加上松子菜粒, 口感清新又有果仁香氣。
生煎鍋貼皮滑焦香, 肉汁豐富。
綠茶芋泥餅口感鬆化甜香, 幼滑可口。
