影片
更多
2022-10-06
66 浏览
⭐️上海婆婆336⭐️📍: 尖沙咀彌敦道63號iSquare國際廣場6樓605-606號鋪⏰:11:00am-3:45pm; 6:00pm-9:30pm放假最鐘意周圍搵好野食，同男朋友去完iSquare睇戲，睇完戲出黎行左陣商場搵野食，見到呢間上海婆婆336好吸引，而且價錢親民，就揀呢間啦唔洗諗🤣🌟話梅車厘茄 ($58)冷盤我地揀左話梅車厘茄，用話梅醃製番茄仔，酸酸甜甜非常開胃🌟鎮江肴肉 ($72)外表層次分明，啫喱凍部份晶瑩剔透，肉質爽彈帶有鹹鮮味，作為冷盤很不錯👍🏻👍🏻👍🏻🌟336上海小籠包 ($38)呢個小籠包可以話係鎮店之寶，幾乎每枱都有叫，果然名不虛傳，皮薄餡靚，一咬落去仲要爆汁，咁高質既小籠包性價比超高💯💯🌟砂鍋雲吞雞 ($193)平時同屋企人食中菜多數都會叫個砂鍋雲吞雞，今晚就試下呢度既雲吞雞先，打開鍋蓋個陣已經聞到好香，雞湯非常清甜，仲有半隻雞係入面，好足料，雞肉肉質鮮嫩，配埋外皮滑溜、大粒飽滿既雲吞，大滿足😚😚😚🌟柚子蝦球 ($128)蝦球大隻鮮甜又爽口彈牙，好欣賞佢個柚子醬汁，醬汁掛滿蝦球上面，酸酸甜甜食落好開胃😍🌟蜜汁火方 ($112)特別要介紹下呢道蜜汁火方，第一次
📍: 尖沙咀彌敦道63號iSquare國際廣場6樓605-606號鋪
⏰:11:00am-3:45pm; 6:00pm-9:30pm
放假最鐘意周圍搵好野食，同男朋友去完iSquare睇戲，睇完戲出黎行左陣商場搵野食，見到呢間上海婆婆336好吸引，而且價錢親民，就揀呢間啦唔洗諗🤣
🌟話梅車厘茄 ($58)
冷盤我地揀左話梅車厘茄，用話梅醃製番茄仔，酸酸甜甜非常開胃
🌟鎮江肴肉 ($72)
外表層次分明，啫喱凍部份晶瑩剔透，肉質爽彈帶有鹹鮮味，作為冷盤很不錯👍🏻👍🏻👍🏻
🌟336上海小籠包 ($38)
呢個小籠包可以話係鎮店之寶，幾乎每枱都有叫，果然名不虛傳，皮薄餡靚，一咬落去仲要爆汁，咁高質既小籠包性價比超高💯💯
🌟砂鍋雲吞雞 ($193)
平時同屋企人食中菜多數都會叫個砂鍋雲吞雞，今晚就試下呢度既雲吞雞先，打開鍋蓋個陣已經聞到好香，雞湯非常清甜，仲有半隻雞係入面，好足料，雞肉肉質鮮嫩，配埋外皮滑溜、大粒飽滿既雲吞，大滿足😚😚😚
🌟柚子蝦球 ($128)
蝦球大隻鮮甜又爽口彈牙，好欣賞佢個柚子醬汁，醬汁掛滿蝦球上面，酸酸甜甜食落好開胃😍
🌟蜜汁火方 ($112)
特別要介紹下呢道蜜汁火方，第一次食呢個蜜汁火方，一食就愛上~用薄身饅頭片夾一片金華火腿同一片響鈴，金華火腿上面淋上一層蜜汁，甜甜地配埋鹹香既金華火腿，加上香脆既響鈴片，口感層次非常豐富，必食推介💯💯💯
🌟砂鍋鬆花菜 ($68)
蔬菜方面我地叫左個砂鍋鬆花菜，口感好似椰菜花咁，加入辣椒、蔥花同蒜粒做調味，惹味又爽口🥰🥰🥰
🌟雪糕高力 ($38)
甜品就揀左呢款雪糕高力，上海菜多數都係用高力豆沙，而上海婆婆就推出左呢個變奏版，將豆沙換做雪糕，雪糕口味可以揀榴槤同香芋味，外暖內冷，口感非常特別😌😌
张贴
