樂園魚蛋粉

营业中

休息中

平日晚上差唔多9點，快快手食碗粉，遇上幾好食嘅牛三寶。我叫左牛三寶米線扣底，加左碟油菜-菜心。飲品要左杯凍檸茶走甜少冰。牛三寶米線，有牛腩，牛肚，牛筋。份量都幾多，4件以上，而且好大件。牛腩偏半肥瘦，會痴住少少肥肉，但唔會有羶味，腩肉炆得夠味，肉質嫰滑。牛肚有咬口，炆得夠諗，而且切到大大件，食落夠滿足。牛筋同樣入味，唔會過諗，漿住個口。湯底唔會過鹹，米線煮得諗，吸左腩汁好夠香。蔥蒜嘅蒜味特別香濃，食落蒜味重，好正~油菜-菜心 份量正常，去哂花，食落唔老，冇渣，想食下菜黎講都唔錯~凍檸茶，茶底夠濃，檸檬都有三大片。價錢合理，份量夠多，選擇都唔少，平日晚到9點幾仍然全場滿座。行過路過肚餓食返碗粉嘅好選擇。