餸料推介，一定要叫豬軟骨，炆得超稔，最怕就係食到軟骨好硬，但呢度的軟骨已經炆到軟晒，豬軟骨肉就好易咬，加上入晒味，細細舊又易食。另一必點就係菜，選擇比較多，連平時食米線較少選擇的芥蘭同埋通菜都有得揀，不過重點係份量好多，食極都仲有。另外推介就係豬紅，食落去無腥味又夠嫩滑，好似滑豆腐咁。
小食方面，今次叫左黃金皮蛋同埋涼伴墨魚頭，一上枱見到份量又係好多，而且最驚喜係有超多蒜泥。黃金皮蛋的顏色主要係用左四川餣法，所以同平常食開的廣東皮蛋唔同。呢種餣法除左顏色比較鮮艷外，最重要係蛋黃少左阿摩尼亞味，令蛋香特別濃，配埋蒜泥同香醋特別惹味。
至於涼伴墨魚頭，墨魚頭都幾大件，由於涼伴的做法，所以墨魚頭食落去質感更加爽彈，配埋蒜泥就更加吸引。
