hoo韓國包車

首先係個吞拿魚拳頭飯，一上枱已經覺得好抵食，份量超大，真係揸到成個拳頭咁大！米飯暖粒粒，吞拿魚沙律醬落得超足，仲混咗啲脆脆嘅紫菜同麻油，食落去每一啖都係料，味道濃郁得嚟又唔會太鹹，自己揸實嚟食真係有種喺韓國街頭嘅感覺！

跟住就係個黑松露蟹籽海鮮蛋捲，切開個陣仲見到微微流心，好治癒！蛋捲煎得超滑嫩，入面塞滿咗魷魚、蝦仁等海鮮，最正係面頭鋪滿咗蟹籽同黑松露醬，一入口先係黑松露嘅香氣衝出嚟，跟住係蟹籽卜卜脆嘅口感，仲有彈牙嘅海鮮，層次超級豐富！

呢兩款小食都係高質之作，價錢合理，絕對係過口癮首選。行開尖沙咀想食啲輕便韓食，呢度真係唔錯嘅選擇！

1