影片
更多
2025-06-07
0 浏览
Potluck Eatery📍尖沙咀柯士甸道136-138號金門商業大廈地舖週末到訪尖沙咀，去到邊都有大堆遊客，餐廳太細或太嘈都唔方便傾偈談心。於是我同朋友物色咗一間地方寛敞，環境雅致嘅餐廳食下午茶。撞正Ian生日月，餐廳裏裏外外都有大量應援物同打卡位，店內仲播住唔少Mirror同Ian嘅作品，各位Hellosss一定唔可以錯過呢個打卡同朝聖好地方。 💰$328Afternoon Tea Set 👩🏻❤️👨🏻 (For 2)久違嘅下午茶係我哋主要到訪嘅目的，menu嘅宣傳照影得咁靚，真係好難令人唔心動。木盤上整齊排有豐富嘅鹹甜小食，搭配熱茶，非常適合閨密或情侶嚟共享一個悠閒嘅午後。鹹點：自家製蟹肉餅 🦀迷你蟹肉餅外脆內嫩，絲絲蟹肉份量十足，而且伴隨微微香草味，完全唔會油膩。煙三文魚呑拿魚卷 🐟魚卷魚香濃郁，兩種魚肉混合得宜，毫不突兀，質感清爽，造型特別。蝦沙律多士 🦐香脆多士搭配爽口蝦肉同清新嘅沙律醬，係多款鹹點中較清爽嘅選擇。牛油果番茄沙沙 🥑綿密嘅牛油果醬同酸甜嘅番茄形成絕妙平衡，健康醒神又開胃。吞拿魚他他撻 🥧搶眼嘅粉紅色令人食慾大增，兼且撻底酥脆，吞拿魚蓉唔腥亦無筋，加以少少
📍尖沙咀柯士甸道136-138號金門商業大廈地舖
週末到訪尖沙咀，去到邊都有大堆遊客，餐廳太細或太嘈都唔方便傾偈談心。於是我同朋友物色咗一間地方寛敞，環境雅致嘅餐廳食下午茶。撞正Ian生日月，餐廳裏裏外外都有大量應援物同打卡位，店內仲播住唔少Mirror同Ian嘅作品，各位Hellosss一定唔可以錯過呢個打卡同朝聖好地方。
[價錢 Price]
💰$328
Afternoon Tea Set 👩🏻❤️👨🏻 (For 2)
久違嘅下午茶係我哋主要到訪嘅目的，menu嘅宣傳照影得咁靚，真係好難令人唔心動。木盤上整齊排有豐富嘅鹹甜小食，搭配熱茶，非常適合閨密或情侶嚟共享一個悠閒嘅午後。
鹹點：
自家製蟹肉餅 🦀
迷你蟹肉餅外脆內嫩，絲絲蟹肉份量十足，而且伴隨微微香草味，完全唔會油膩。
煙三文魚呑拿魚卷 🐟
魚卷魚香濃郁，兩種魚肉混合得宜，毫不突兀，質感清爽，造型特別。
蝦沙律多士 🦐
香脆多士搭配爽口蝦肉同清新嘅沙律醬，係多款鹹點中較清爽嘅選擇。
牛油果番茄沙沙 🥑
綿密嘅牛油果醬同酸甜嘅番茄形成絕妙平衡，健康醒神又開胃。
吞拿魚他他撻 🥧
搶眼嘅粉紅色令人食慾大增，兼且撻底酥脆，吞拿魚蓉唔腥亦無筋，加以少少黑芝麻點綴，賣相精緻。
一口香煎帶子 🐚
帶子新鮮味美，表面略帶焦香，一口一件剛剛好。
甜點：
英式鬆餅 🧁
期待已久嘅Scone無令我失望，口感外酥內鬆，配新鮮藍莓果jam後更添果香，擦上忌廉則奶味香醇，可以嘅話我想食兩個！
精選甜品 🍮
四款甜品無講明係咩，食到有朱古力、榛子、檸檬同紅莓口味，全部一致唔會太甜，而且選項有酸有甜，可以淺嚐一下，過吓甜品癮。
飲品 🫖
Earl Grey同Chamomile都採用Twinings茶包，茶味香濃不苦澀，食晒鹹甜點後享用，份外清新解膩。
Afternoon Tea Set鹹甜搭配得宜，食物質素高，擺盤亦非常精緻，配合店內氛圍，性價比算屬中高。
[價錢 Price]
💰$128
龍蝦肉沙樂美腸薄餅配薯角 🍕
Pizza出乎意料地好食，餅底薄而香脆，龍蝦肉同沙樂美腸鹹香兼具，份量適中，薯角夠熱而且鹹香酥脆，light meal嚟講都好有誠意。
椰菜花湯 🥣
至於椰菜花湯則香濃滑順，唔會過分奶膩，兩者加埋係唔錯嘅搭配。
[價錢 Price]
💰$188
牛油果蟹肉他他 🥑
走輕盈健康路線嘅牛油果蟹肉他他，擺盤頗有心思。牛油果醬搭配絲絲蟹肉，口感滑溜，味道好夾。黑醋沙律令整道菜更有層次，伴有香脆嘅麵包糠，增加口感變化，十分推介！
[價錢 Price]
💰$20 (套餐轉配價)
榛子牛奶咖啡 ☕️
Hazelnut Latte奶味香濃，帶淡淡嘅榛子甜香，飲落順滑不苦澀，令人心情放鬆。
张贴
