呢間連續15年獲得米芝蓮一星榮譽嘅餐廳，果然名不虛傳
每一道菜都感受到師傅嘅用心同精湛手藝
**精緻點心三重奏**
首先上枱嘅點心拼盤真係令人眼前一亮～
晶瑩海蝦餃：晶瑩的外皮包裹住飽滿嘅蝦肉，咬落去鮮甜彈牙，好精緻呀！
黃金涼瓜餃：平時怕苦瓜嘅我都被征服咗～外皮好靚，入面嘅涼瓜處理得恰到好處，甘香得嚟完全唔苦，好特別呢！
潮州蒸粉粿：半透明嘅粉皮好煙韌，入面嘅餡料好豐富，有肉碎、花生同埋少少芫荽香氣，食落層次分明，令人回味～
富豪靚湯真係好暖心，湯色清澈但味道濃郁，飲得出係經過長時間精心熬製㗎
30頭養殖吉品鮑鵝掌時菜
嘅配搭好矜貴，鮑魚炆得軟淋入味，切開還有溏心，鵝掌膠質豐富，配上清爽時蔬
最鍾意迷你瑤柱鮮蝦荷葉飯，打開荷葉個陣香氣撲鼻，瑤柱同鮮蝦嘅鮮味完全滲入飯粒中，每一啖都係享受呢～
甜品方面，蛋白生磨杏仁茶香滑順喉，杏仁味好純正但又唔會太濃烈，飲完成個人都暖笠笠好舒服。跟住嘅精選甜美點都好出色
