影片
更多
2021-01-30
2598 浏览
尖沙咀不單止行街方便，韓國菜既餐廳又多夠集中，除左出名既韓國美食街之外，附近既MIRA商場美食層都有選擇。今次跟米芝蓮指南食其推介過既新羅寶，不過禁晚市堂食嘅原因，平日放工經常叫外賣，黎到週末想出去抖下氣食好d，唯有黎個early dinner。食韓餐最緊要點燒肉，坐低點幾份菜式，餐前醒胃泡菜又係唔少得，呢度係自助形式讓你無限添加，今日有3款供應，泡菜唔會太辣、味道爽甜。牛排骨有3款可點，我地點一份烤鮮特級牛排骨，2件$208，整件放上爐中燒，size長過個爐夠份量。大火將兩邊燒至半熟後先剪開數片，再燒多一陣，入口非常juicy又嫩滑，有別五花腩，肉味相對濃口油脂不太重，按個人口味加少少調味盬汁更加添香，唔好睇佢薄薄地一幅，食落都夠飽肚，2人份量剛好煎餃子可以有4隻、6隻選項可點，我地2人只點4隻過下口癮，餃皮保留一點香滑感唔會煎到乾身脆口狀，內面既餡料菜肉入口幼細，味道主調清香為主。魚糕湯陰陰涼涼既天氣黎個熱鍋暖下胃最啱，呢個直頭係韓版關東煮，足料豐富不單止有軟淋超吸湯既薄片鱈魚糕，仲有多汁甘甜既大根、香菇、年糕同爽彈既竹輪一齊煮，湯頭表面金黃清晰不油膩。有別於韓國街頭販買既串在長長
今次跟米芝蓮指南食其推介過既新羅寶，不過禁晚市堂食嘅原因，平日放工經常叫外賣，黎到週末想出去抖下氣食好d，唯有黎個early dinner。
食韓餐最緊要點燒肉，坐低點幾份菜式，餐前醒胃泡菜又係唔少得，呢度係自助形式讓你無限添加，今日有3款供應，泡菜唔會太辣、味道爽甜。
牛排骨有3款可點，我地點一份烤鮮特級牛排骨，2件$208，整件放上爐中燒，size長過個爐夠份量。
大火將兩邊燒至半熟後先剪開數片，再燒多一陣，入口非常juicy又嫩滑，有別五花腩，肉味相對濃口油脂不太重，按個人口味加少少調味盬汁更加添香，唔好睇佢薄薄地一幅，食落都夠飽肚，2人份量剛好
煎餃子可以有4隻、6隻選項可點，我地2人只點4隻過下口癮，餃皮保留一點香滑感唔會煎到乾身脆口狀，內面既餡料菜肉入口幼細，味道主調清香為主。
魚糕湯
陰陰涼涼既天氣黎個熱鍋暖下胃最啱，呢個直頭係韓版關東煮，足料豐富不單止有軟淋超吸湯既薄片鱈魚糕，仲有多汁甘甜既大根、香菇、年糕同爽彈既竹輪一齊煮，湯頭表面金黃清晰不油膩。
有別於韓國街頭販買既串在長長竹籤上，但係入口風味依然，跟埋一啖清甜又帶少少咸香既魚湯，超回味！
张贴
