影片
更多
2023-08-10
3897 浏览
喺海港城血拼完黎咗呢間粵藝館諗住嘆返個一盅兩件休息吓。餐廳可以望到維港對岸中環嘅景色，夠哂寫意。夏天熱辣辣如果唔想飲茶，仲可以叫其他飲品，好似我哋咁，就叫咗薏米水($32@)，消暑解渴。坐底發現佢哋做緊個會員專享優惠，只要download佢哋個手機App做會員就可以用會員價嘆到粵藝午市套餐。$288/位(兩位起)有齊7道菜，好似點心、老火湯、叉燒、花膠扒、炒飯、甜品等等，非常豐富。巧手點心可以喺6款點心入面揀1款，我哋就揀咗手藝燒賣(2件)同晶瑩鮮蝦餃(2件)，點心整得唔錯，燒賣肉質鮮嫩彈牙，蝦餃皮薄餡靚，點埋佢個XO醬就更加好食。粵藝老火湯今日就飲到雪梨豬𦟌燉雪耳，飲得出完全冇落味精，非常之清甜潤喉。西班牙栗子豬焦香叉燒前菜仲有叉燒，用嘅係西班牙栗子豬，肉質好腍嫩，加上外邊烤到有少少焦脆，食落好香口。花膠天白菇菜膽成個套餐嘅重點一定係呢塊花膠扒，有成隻手板咁大，而且夠哂厚身，有滿滿嘅骨膠原，食落彈口唔黐牙。天白菇菇味香濃，口感爽彈。上湯鮮竹浸翡翠高湯鮮竹配上番薯葉，個人覺得鮮竹有少少偏硬身，朋友就覺得岩岩好。懷舊楊州炒飯楊州炒飯做成心形，非常有心思，入面有蝦仁、叉燒粒等，炒飯粒粒分明
坐底發現佢哋做緊個會員專享優惠，只要download佢哋個手機App做會員就可以用會員價嘆到粵藝午市套餐。$288/位(兩位起)有齊7道菜，好似點心、老火湯、叉燒、花膠扒、炒飯、甜品等等，非常豐富。
巧手點心
可以喺6款點心入面揀1款，我哋就揀咗手藝燒賣(2件)同晶瑩鮮蝦餃(2件)，點心整得唔錯，燒賣肉質鮮嫩彈牙，蝦餃皮薄餡靚，點埋佢個XO醬就更加好食。
粵藝老火湯
今日就飲到雪梨豬𦟌燉雪耳，飲得出完全冇落味精，非常之清甜潤喉。
西班牙栗子豬焦香叉燒
前菜仲有叉燒，用嘅係西班牙栗子豬，肉質好腍嫩，加上外邊烤到有少少焦脆，食落好香口。
花膠天白菇菜膽
成個套餐嘅重點一定係呢塊花膠扒，有成隻手板咁大，而且夠哂厚身，有滿滿嘅骨膠原，食落彈口唔黐牙。天白菇菇味香濃，口感爽彈。
上湯鮮竹浸翡翠
高湯鮮竹配上番薯葉，個人覺得鮮竹有少少偏硬身，朋友就覺得岩岩好。
懷舊楊州炒飯
楊州炒飯做成心形，非常有心思，入面有蝦仁、叉燒粒等，炒飯粒粒分明，但唔會太油。
紫米露
最後仲有甜品嘅紫米露，香濃幼滑得黎，又有粒粒紫米同西米增添口感。
。
。
粵藝館 (海港城海運大廈) (尖沙咀)
尖沙咀廣東道3-27號海港城海運大廈3樓OT310號舖
。
。
张贴
