Spice bazaar

呢間位於尖沙咀嘅隱世印度菜由前杜拜皇室御廚主理，總廚仲做過香港嘅米芝蓮印度餐廳，菜式以天然香料入饌，環境舒服，午市套餐$98起就有交易🤩羊肉碎配印度餐包 $128第一次見呢款印度菜式，羊肉碎用咗多款香料煮食，帶微辣，而餐包就有煎過，夾埋一齊食都幾惹味伊朗三角餃 $88個樣有啲似咖喱角咁，但係入邊嘅餡料就換成切得好細嘅洋蔥絲，幾有驚喜，醬汁方面就唔係點沙律醬，而係印度嘅薄荷乳酪碳烤自家製印度芝士 $148芝士係一大粒正方形咁，外層搽滿咗香料，入面就係茅屋芝士嘅質地，亦都夾雜着一啲其他香料，本身嘅芝士味道唔會好濃，但係香料味道幾豐富，亦都可以點埋薄荷乳酪中和返油膩嘅感覺牛油咖喱雞 $158次次食印度菜都必定會嗌呢款菜式，因為牛油咖喱都算係印度咖喱入邊最低辣度嘅一款，咖喱主要以蕃茄、香料、奶油同牛油煮成，味道會偏甜少少，入面亦都加入咗嫩滑嘅雞髀肉，啱晒點印度烤餅一齊食黑松露芝士烤餅 $58食印度菜Naan都係其中一款必嗌嘅嘢，呢款黑松露味嘅印度烤餅一拎上枱已經聞到好香松露味，質感亦都好鬆軟慢煮羊膝燴香料飯 $218呢個飯都係呢一餐嘅一大兩點，以印度陶鍋烹調，上枱嘅時候蓋住一塊酥皮，店員會喺面