本身以為光榮係食茶餐，晏晝通常都係叫快餐或者常餐，點知夜晚六點半後係有煲仔飯食嫁喎，咁緊係要叫返個試下啦🤪
**********
<窩蛋牛肉煲仔飯> $72
依個煲仔飯真係有驚喜，無諗過茶記嘅煲仔飯都咁好食，個牛肉加左窩蛋之後更加滑，完全唔老喎🥳個飯用傳統瓦煲煮，所以個底都有好多飯焦，加埋甜豉油真係無得頂！
**********
<沙嗲牛肉巨型奄列> $32
個奄列一上枱真係嚇左一嚇，雖然餐牌寫係巨型姐，但實物真係大到嚇死人😂我諗有平時正常size嘅三四倍，真係要有多幾個人share先好叫！不過個味道都幾好食，個沙嗲牛味道好濃，配奄列都好match！
