捌加廿陸天婦羅居酒屋 (已結業)

今日約咗朋友去尖沙咀食lunch，朋友食過旺角分店唔錯，今次去尖沙咀分店！呢間係天婦羅專門店，即叫即炸熱辣辣，喜歡食炸天婦羅啱晒，門口裝修已經好日式，環境更加似去咗日本咁，感覺好正，而且仲有打卡位！有自選定食，大約30幾蚊起，亦有丼飯，小食等…天丼：丼即係碗上，下面係飯，上面再放天婦羅，再加上天丼汁！天婦羅份量都唔少，有兩隻蝦、南瓜、蓮藕、四季豆、皇帝蟹棒等….用咗薄漿去炸，食落去唔會太厚粉👍🏻蝦肉又好彈牙，南瓜都係甜，四季豆超長，食落去超正！蓮藕厚切，食落去口感更加好！海鮮天丼：呢個多咗冬菇、帆立貝、那哥魚片！海鮮更加多，仲更加豐富，真係超滿足！魚片比較少有，用嚟天婦羅都好特別！熊本士多啤梨天婦羅：就咁熊本士多啤梨平時都有買嚟食，但係未試過天婦羅，估唔到又幾夾，外脆裏面士多啤梨超多水份，呢個幾有驚喜，喜歡的可以點買煉奶吃！飲品另外叫咗檸檬茶同可樂！