春陽茶事 (樂道)

营业中

休息中

食牛品火鍋放題，隨餐附送一杯春陽茶事手搖飲品，原來茶飲店喺正火鍋店樓下，懶得睇餐牌，所以喺五大人氣推介度揀兩杯，應該都唔會太差，另外芝士奶蓋同埋沙冰系列都好吸引，仲不時有期間限定嘅特價~🔘翡翠檸檬愛玉非常經典嘅台式飲品，每次到台灣必飲，今次又飲到熟悉嘅味道，可能係叫咗微糖嘅關係，檸檬非常有存在感，都幾夠酸，打邊爐飲啲酸嘢啱晒，另外愛玉都好多好有咬口~🔘鳳梨蜜烏龍呢杯茶底非常香濃，烏龍茶味好出，因為叫咗微糖，所以甜度啱啱好，鳳梨味都飲到，味道好清新非常解膩，都幾大杯飲極都仲有~就算唔打邊爐，行過都可以買杯嘢嚟飲吓～