龍圖閣海鮮飯店

营业中

休息中

朋友話想食下中餐，就約左去尖沙咀龍圖閣海鮮飯店食飯，貪呢度位置夠中間，無論係九龍同香港區做嘢都唔會太遠，夠晒方便。咕嚕肉成日都食，但冰鎮咕嚕肉就比較少見，冰鎮嘅咕嚕肉外層好脆，酸酸甜甜，配上鮮甜洋蔥青椒，仲有不少生果。用生面炒成嘅豉油皇炒面好有鑊氣，爽口彈牙，而且唔覺得好油膩。淮山百合炒勝瓜，淮山爽口，配上鮮甜的百合健康之選。沙薑焗雞熱辣辣成煲上，未食已經聞到香味，個雞都幾嫩滑，而且夠晒入味。咸菜胡椒花甲，咸菜配上肥美鮮甜的花甲原來都幾夾，粉絲吸收晒D味更好食。