原來仲有做埋西餐廳 見環境氣氛都幾岩拍拖喎
餐廳播既歌仲要幾有taste🎶
食西餐飲下cocktails傾下計幾有feel
Signature Cocktails 幾有驚喜🍸
🍹 Tiramisu HKD98
外形好似一個真既Tiramisu 飲既Tiramisu你又試過未
打成沙冰質地 好順滑
味道完全飲到 Tiramisu甜香帶微微 Baileys 奶酒味
酒味唔會太重 女仔一定會鍾意✨
🥃 Free World HKD88
男友果杯 佢鍾意順口得黎重酒味
濃濃梅酒mix酸酸甜甜既果酒🍇
🥑 煙三文魚牛油果青芥末帶子他他 HKD128
清新開胃既前菜 食完立即開開個胃😆
牛油果好creamy 帶子粒粒幾鮮甜
煙三文魚帶少少鹹香 青芥末係淡淡香氣🌿
🥩 炭燒新西蘭 Prime Steer 肉眼扒 HKD278
叫咗 5成熟 係我最鍾意既外焦內粉既熟度
幾香炭燒味 肉質 juicy 又唔會太肥膩
旁邊仲有 粟米仔 甘筍 豆角 同原個焗薯
🍝 鵝肝黑松露忌廉汁意粉 HKD178
鵝肝煎到幾香脆 意粉係偏彈牙嗰種
每條麵都掛住黑松露忌廉汁 食到停唔到口🤭
🍫 Jagger 心太軟 HKD88
難怪係招牌甜品 朱古力味道濃郁 流心夠多
配埋旁邊嘅士多啤梨雪糕 酸酸甜甜中和返個甜度
重點係熱冷對比好滿足🤤❤️
