Plato Cafe & Bistro (吳松街)

約咗喺尖沙咀返工嘅朋友食飯,向尖咀已經諗唔到食乜,所以今次轉戰佐敦吳松街意大利西餐廳 !呢類型餐廳同吳松街有點格格不入，因為裝修別緻企理，坐得舒服!餐牌有set dinner同埋二人餐揀，兩個女仔食二人餐好似太豐富喇，所以我哋叫咗兩個set dinner開心share!朋友揀咗個蜆肉意大利天使麵而我就揀咗德國豬手。Set dinner跟埋是日餐湯。今日係西蘭花忌廉湯湯不只有忌廉味，真係有西蘭花嘅味道，好真材實料，亦都唔會太鹹!主菜之一:蒜片欖油白酒鮮蜆天使麵($158 set)蜆夠大隻啖啖肉，天使麵夠份量，有咬口 主菜之二:德國脆皮咸豬手($238 set)真係好大份呀!豬手製作需時，要等一段時間先上台， 豬皮有少少微燶，識食一定係食微燶，咁樣先夠卜卜脆!豬手啖啖肉，唔肥之餘仲保持到好嫩滑一個意粉一份豬手我哋兩個女仔share啱啱好至於飲品我哋分別叫咗薄荷朱古力同特濃朱古力。好大杯 ，朱古力味都幾重，加埋忌廉入口好滑溜，薄荷味仲為炎夏增添幾分涼意~食完成餐好滿足