潮興魚蛋粉

唔知有冇人係咁、我間唔中就會好想食下魚蛋粉，有呢鋪癮

銅鑼灣都幾多港式粉麵鋪，同便利店差唔多，行幾步就總有間喺左近

見呢間鋪入面幾大幾寬敞，就入去食下啦

嗌左個魚蛋三寶米線、盛惠$48，唔包野飲，其實都有啲貴，見呢度都有做唔少遊客生意、又有分店咁。

三寶包括魚蛋、魚片同魚片頭！係幾彈牙既，都有淡淡嘅魚味，湯就冇咩味，都係靠蔥同冬菜嘅味。清清淡淡咁

米線份量對男食客食黎講、可能會唔係幾夠食，加底或者加多個餸先搞得掂。