影片
更多
2021-09-25
198 浏览
因為工作關係,經常都會係灣仔活動,但一直都唔覺眼原來有間印度菜既自助餐廳,唔係早幾日落雨咁岩係正樓下避雨都見唔到。餐廳無論係裝修、擺設都充滿印度色彩,甚至連電視播既都係印度既歌舞劇。午餐既自助餐價錢係$128加1包一杯飲品,一坐底店員問完你飲咩之後就會放底一籃新鮮熱焫既烤餅,之後你就可以出去睇下有咩食,食物主要分為沙律、小食、咖哩、同甜品。沙律方面都係一D蕃茄、青瓜、什菜同鷹咀豆咁,款式唔算多但都幾新鮮,用黎開下胃就岩哂小食方面有D炸什菜餅、紅卜卜既烤雞同埋咖哩角。什菜餅軟錦錦,口感有D煙韌,烤雞淨係顏色都好吸引,食落辣辣地幾開胃,咖哩角入面係薯仔餡,幾香咖哩味但就好飽肚,另外仲有脆卜卜既脆餅,咬落好似薯片咁仲有幾款醬汁可以夾住食咖喱就有5種，2種素既有薯仔同紅腰豆，肉既有雞同羊，另外仲有一款有係有芝士既。咖啡旁邊仲有大大煲印度白飯，鍾意有飯到肚既人就岩哂～甜品有2種，一種叫Gulab Jamun，可以譯造玫瑰果，主要係用麵粉油炸完之後再浸糖漿。另一種叫Rasgullas，一樣都係浸住糖漿，但口感比Gulab Jamun鬆散，入口有輕輕既奶味。兩種甜品對我黎講都太甜😂😂Pani Pur
沙律方面都係一D蕃茄、青瓜、什菜同鷹咀豆咁,款式唔算多但都幾新鮮,用黎開下胃就岩哂
小食方面有D炸什菜餅、紅卜卜既烤雞同埋咖哩角。什菜餅軟錦錦,口感有D煙韌,烤雞淨係顏色都好吸引,食落辣辣地幾開胃,咖哩角入面係薯仔餡,幾香咖哩味但就好飽肚,另外仲有脆卜卜既脆餅,咬落好似薯片咁仲有幾款醬汁可以夾住食
咖喱就有5種，2種素既有薯仔同紅腰豆，肉既有雞同羊，另外仲有一款有係有芝士既。咖啡旁邊仲有大大煲印度白飯，鍾意有飯到肚既人就岩哂～
甜品有2種，一種叫Gulab Jamun，可以譯造玫瑰果，主要係用麵粉油炸完之後再浸糖漿。另一種叫Rasgullas，一樣都係浸住糖漿，但口感比Gulab Jamun鬆散，入口有輕輕既奶味。兩種甜品對我黎講都太甜😂😂
Pani Puri脆炸圓薄球（$48）
睇片就見得多，見到呢度有點都要試下😂，外殼質地有d似墨西哥粟米片，而入面你薯仔粒。配上一紅一綠既醬汁，綠色醬汁酸酸地帶少辣。而紅色既就比較甜，食法係將醬汁倒入圓脆球入面，再一啖放入口。外層脆卜卜，酸酸地仲有陣香料味，幾得意。
张贴
