海港酒家

营业中

休息中

每次去海港都大排長龍，等好耐先有位，今次有人去攞位先，去到啱啱好入座。我地三個人，叫左兩個主食同一籠叉燒包，叉燒包無影到相，但係我記得餡兒唔多，味道普通，無咩特別。兩個主食分別係黃金蟹肉大蝦伊面同一口鮑魚炒飯。呢個伊面味道上係值得稱讚，食落幾滑口，而且蝦既份量同size都幾足。唯一遺憾既係佢既「黃金」係碎紅蘿蔔，有少少取巧。一口鮑魚炒飯如果有去開海港飲茶，食過佢個鮑魚燒賣就會知有幾搵笨，鮑魚好似手指甲咁細粒。但係佢呢個炒飯出奇地鮑魚有五蚊銀咁大，而且可以分到每碗飯都有鮑魚，味道就無咩特別，但係飯炒得幾乾身，唔錯。