影片
更多
2019-10-20
53 浏览
將軍澳中心早前翻新重開，多了不少新餐廳進駐，令人躍躍欲試，可惜一直未有時間到訪，趁這天工作不太忙，特意拿了半天假，和老公兩口子來逛逛，順便在場內覓食。由於來到時已經是下午兩點，大家都餓了，所以決定先去醫肚！在場內行了兩個圈，有好幾間都想試，心大心細，最後交由老公拍板，揀咗這間小清新食店「大茶飯」。餐廳主打台式料理，據知是由藝人黃美棋投資開設，所以都好想見識下。店舖門面以藍白色為主調，入面地方不大，只有約三十個座位，不過環境很舒服，裝潢簡約清新。牆身上的壁畫畫得很有心思，尤其是當中的標語「經得起風浪先食得起大茶飯」，寓意大家坐埋同一條船，齊上齊落，加上以麵條形狀作設計的餐廳 logo，與店名互相呼應。先拿起店員送上的餐牌細看，食物款式頗多，由鹽酥雞、滷肉飯、黑糖芋圓仙草、檸檬愛玉到台式車仔麵也有供應，另外亦有八款下午茶套餐可供選擇。下午茶餐非常經濟，最平 $38 已經有交易，套餐可配豆漿/ 薏米水/冬瓜茶/汽水；加 $8 可選配其他飲品；而加 $15 更可選配百香果小農紅茶/珍珠奶茶/健康瘦身黑豆茶。我哋揀咗兩個下午茶套餐：鹽酥雞肉燥飯 ($49) 配波濤洶湧奶茶 (+$15) 同滷水牛
在場內行了兩個圈，有好幾間都想試，心大心細，最後交由老公拍板，揀咗這間小清新食店「大茶飯」。餐廳主打台式料理，據知是由藝人黃美棋投資開設，所以都好想見識下。
店舖門面以藍白色為主調，入面地方不大，只有約三十個座位，不過環境很舒服，裝潢簡約清新。牆身上的壁畫畫得很有心思，尤其是當中的標語「經得起風浪先食得起大茶飯」，寓意大家坐埋同一條船，齊上齊落，加上以麵條形狀作設計的餐廳 logo，與店名互相呼應。
先拿起店員送上的餐牌細看，食物款式頗多，由鹽酥雞、滷肉飯、黑糖芋圓仙草、檸檬愛玉到台式車仔麵也有供應，另外亦有八款下午茶套餐可供選擇。下午茶餐非常經濟，最平 $38 已經有交易，套餐可配豆漿/ 薏米水/冬瓜茶/汽水；加 $8 可選配其他飲品；而加 $15 更可選配百香果小農紅茶/珍珠奶茶/健康瘦身黑豆茶。
我哋揀咗兩個下午茶套餐：鹽酥雞肉燥飯 ($49) 配波濤洶湧奶茶 (+$15) 同滷水牛腱拌麵配豆漿。鹽酥雞即叫即炸，咬下非常香口，皮脆而肉質鮮嫩，而且味道不會太醎。肉燥呈亮麗焦糖色，醬油味不會過重，食落肥瘦均勻。米飯熱度足，粒粒分明，就算吸了肉燥的汁，吃起來亦不會太濕太腍。波濤洶湧奶茶，名字非常搞鬼，其實即係珍珠奶茶，珍珠奶茶味道不錯，茶味濃、奶滑，珍珠夠煙韌。
滷水牛腱拌麵配豆漿 ($55)，拌麵幾有特色，麵質彈牙，入口微辣，既惹味又刺激。問過店員，原來麵底是淮山麵，唔怪得口感咁爽滑 Q 彈，感覺健康又有益。牛腱的份量不少，滷的時間啱啱好，筋軟肉嫩，入味又好吃，讓人一口接一口。豆漿亦很有水準，啖啖滿有豆香，入口順喉香滑，而且甜度剛好，好喝！
意猶未盡，決定再加點一客長江後浪煎蠔餅 ($78)，蠔餅用新鮮蚵仔加入雞蛋及木薯粉半煎炸而成，再以圓碟奉上，賣相美觀。嘗一口，邊位非常香脆、蚵仔鮮甜爆汁，非常滋味。
一場嚟到，當然要食埋甜品先走，店裡的甜品，選擇頗多，共有七款，選了黑糖芋圓仙草凍1號 ($43)，成品用料非常豐富，極之大堆頭，有仙草、芋圓、珍珠、紅豆、綠豆等，上桌時大大碗，色彩繽紛，非常吸引。仙草有清新嘅草香味，口感超滑，質地幼細，微微爽口。芋圓賣相討好，十分煙韌，甚有嚼勁。珍珠咬下有黑糖香，而紅豆、綠豆亦煮得非常鬆化，入口有豆香。整體來說，甜度剛好，不會過甜過膩，非常推薦。其實還很想試下餐廳的台式熱炒，如鳳梨蝦球、 狂蜂浪蝶蚵仔酥、醬爆豬肝、芝士蘑菇雞翼等，可惜這天實在太飽了，還是留待下次再來品嚐吧。
张贴
