廣式石磨腸粉

唔好以為上水冇乜嘢好食，其實有好多小店都好值得我哋去支持一下。今日我就好遠水路咁樣由九龍去到上水，就係為咗食呢間腸粉。點解咁遠我都要去？就係因為朋友介紹，佢話老闆非常之好人，而且每樣腸粉都係即蒸即煮再食，出面飲茶食嘅腸粉拍馬都追唔上。

1

牛肉腸粉
有牛肉味，牛肉唔痴牙，腸粉皮夠煙銀，醬汁好好食

火腿榨菜腸粉
好特別嘅一款腸粉，好似食緊早餐咁，火腿榨菜米粉咁樣，火腿同榨菜既配合有啲鹹鮮既香味

蒸米粉
米粉彈牙，分量足夠大，加埋佢啲菜同肉食，好食！

鳳爪
鳳爪酸酸辣辣，非常開胃，而家大家又睇吓佢嘅份量真係超多，簡直係良心企業，我哋真係要好好支持下小店。