好德來小籠包店

朕去到佐敦想食上海野，多數都會去好好，食慣左，好味之餘又有人情味，今次出到佐敦，朕都係諗住再嚐呢間小店既風味，點知隨從話附近有一間上海野好似幾好食，於是朕今次就試下新野先！

1

朕去到好德來門口，見到啲裝修都幾企理，望一望個餐牌，又唔係貴喎，於是就入左去試下喇！
一入到去，有啲口渴，黎到上海菜館，緊係飲豆漿啦，唔通飲可樂咩！店小二拿來豆漿，咦成枝正遠豆漿喎，無咩豆味，唔係自家製，感覺差啲囉！！！

凍豆漿

糖醋排骨（半份），個酸甜度剛剛好，而排骨亦夠腍身，不過份量就偏少偏少偏少（重點所以說三次）！

糖醋排骨（半份）

$35

小籠包，即叫即蒸，個皮厚薄做得啱啱好，夠薄但係又唔會穿，小籠包裏面啲肉汁亦夠哂澎湃，一咬落去成口都係！

小籠包

$40

醬牛𦟌湯麵，牛𦟌唔夠入味，咬落比較硬，而個䓤花湯麵啲湯幾清，麵身幾彈牙，不過份量就偏少偏少偏少（重點所以說三次）！

醬牛𦟌湯麵

$53

醬牛𦟌湯麵

$53

鱔糊湯麵，朕既至愛，朕自小去食上海菜，都一定叫鱔糊湯麵食，呢度既鱔糊湯麵味就夠濃，不過啲鱔糊就唔夠爽口，同埋如果可以加埋韮王落去一齊炒應該會更香，麵身一樣都幾彈牙，不過份量就偏少偏少偏少（重點所以說三次）！

鱔糊湯麵

$78

鱔糊湯麵

$78

總括黎講，個性價比偏低！個價錢同份量有落差！！！

－－－－－完－－－－－