泰金鍋

营业中

休息中

為咗吸引大家留港消費，近日好多餐廳都愈做愈抵，食材又愈嚟愈靚，HKD300-400 嘅放題/任食邊爐成巷成市。今次就試下位於海之戀嘅金泰鍋，揀咗佢嘅C 餐澳洲產M6和牛餐，有得選擇90/120分鐘。唔想咁趕就揀咗120分鐘，加埋10% 每人大概HKD400出面有得自己撈蝦，亦有d 泰式熱葷，但款式就唔多，例如有海南雞，小量點心，冬蔭公湯，各式丸同菜，泰國mama 麵/米粉，椰汁西米糕/班蘭糕，飲品雪糕等。湯底揀咗冬蔭公同壽喜燒，味道都唔錯，幾惹味，食完亦無話好口渴。QR code 落單部分都唔多選擇，亦無特別印象深刻嘅食物。牛肉質素，非常普通，甚至可以話係差，食咗兩碟已經唔想食。反而伊比利亜豬就幾好，有甜味，兩個人前後食咗5碟。至於蝦亦係紮紮跳，新鮮彈牙嘅。老實講除咗個豬同蝦之外，樣樣野都係中下水平。HKD400 呢個價位，真係唔太值，出面亦有更好嘅選擇。