茶木‧台式休閒餐廳 (荃新天地)

成日都食茶木，今次係為左小丸子個杯去食😁。之前喺巴士見到佢既廣告，覺得幾靚，所以就去拎隻杯返屋企紀念😂。

黑麻醬手撕雞四色冷麵

$72

見到季節限定既四色冷麵色彩繽紛，感覺好似好健康同好好食😁，所以就叫左來試。黑麻醬似平時食開沙律既芝麻醬，撈埋一齊食好好味，好清新。

鳳梨鮮果甜酸肉

$109

紅豆薏米水

鳳梨🍍鮮果甜酸肉甜甜酸酸的，幾開胃，好味。而且水果既份量好多，齋食啲餸唔食飯都已經好飽:)。

紅豆薏米水去濕，健康，味道亦唔錯。

爺爺抹茶歐蕾

$38

爺爺抹茶歐蕾既抹茶味好濃，好大杯👍🏻，幾好飲。


我地唔記得叫店員上甜品就賣左單，俾錢果一刻先記起，所以唯有打包拎走😂。