影片
更多
2022-10-29
106 浏览
天氣開始轉涼，諗住去東涌買埋行山裝備同跑鞋，指定動作當然要去東涌「世外桃源」Sheraton 灣景薈望著海景享受一餐愉快Weekend Brunch，而今次就試墨西哥餐廳 La Vista。首先環境真係色彩繽紛，充滿墨西哥特色，周圍都係打咭點，想比較Chill 可以揀Outdoor。而我地就揀左Indoor 卡位，都可以望到海景同機場景，睇到飛機升降。講開食墨西哥菜，肯定要叫Tacos，由於主菜都叫左肉，所以就諗住揀牛油果口味。食完覺得好彩揀左牛油果，佢地揀比較熟的牛油果，有部份就打成蓉，另一部份就切粒，食落去就有唔同口感，Creamy得黎又有「咬口」。而個牛油果醬亦都有加唔同香料調味，所以食落去覺得好Fresh。主菜方面，首先揀左墨西哥芝士鍋配牛肉，芝士份量夠多輕易做到好長的拉絲效果，加上用芫茜辣醬調味，令到味道唔會咁單調，而牛肉味道亦餣得好好，配上餡餅可以平衡番個味道，食落去唔會咁膩。不過要記住上菜後就盡快食，如果唔係芝士凍左就變硬，會影響個質感同味道。至於另一個主菜就係出名墨西哥烤肉 Fajitas，因為芝士鍋揀左牛肉，所以烤肉就揀豬柳條。由於係用鐵板上，所以一上台出煙的效果好震
Indoor 卡位，都可以望到海景同機場景，睇到飛機升降。
講開食墨西哥菜，肯定要叫Tacos，由於主菜都叫左肉，所以就諗住揀牛油果口味。食完覺得好彩揀左牛油果，佢地揀比較熟的牛油果，有部份就打成蓉，另一部份就切粒，食落去就有唔同口感，Creamy得黎又有「咬口」。而個牛油果醬亦都有加唔同香料調味，所以食落去覺得好Fresh。
主菜方面，首先揀左墨西哥芝士鍋配牛肉，芝士份量夠多輕易做到好長的拉絲效果，加上用芫茜辣醬調味，令到味道唔會咁單調，而牛肉味道亦餣得好好，配上餡餅可以平衡番個味道，食落去唔會咁膩。不過要記住上菜後就盡快食，如果唔係芝士凍左就變硬，會影響個質感同味道。
至於另一個主菜就係出名墨西哥烤肉 Fajitas，因為芝士鍋揀左牛肉，所以烤肉就揀豬柳條。由於係用鐵板上，所以一上台出煙的效果好震憾同聞到好香，烤豬柳條肉質夠腍，加埋洋蔥同三色椒炒，令到豬柳條味道更加香。另外有三種醬料選擇，分別係辣蕃茄醬、乳酪同埋牛油果醬，可以試到唔同味道。
飲品方面就揀左Buzz Groupie，個外型同顏色都夠晒特別，岩晒打卡，當中用咗芒果、菠蘿同士多啤梨，充滿熱帶風情，甜中帶酸夠開胃，味道都比較清新。
La Vista 無論環境、服務同食物質素都滿意，如果想係週末遠離繁囂，呢度都係一個唔錯的選擇。
张贴
