婆婆珈琲屋

营业中

休息中

日本和式風味的cafe/餐廳，畀我有一種寧靜的感覺，可專注品嚐每款食物的味道同配搭。今次我選擇了沖繩黑糖豬軟骨配以明太子茸飯。品嚐主菜之前，先逐樣品嚐各款小食：清酒溏心蛋偏淡，但勝在溏心蛋汁好滑溜兼蛋味重；涼拌茄子漬物味道微酸，清新而不搶主菜風頭，不錯。主菜的豬軟骨調味一流，軟腍得嚟但不致於爛，而且好入味，好啱送飯。最後配以一杯香濃的黑芝麻latte，好full、好完滿。整體來講，水準中上。值得一提的是，我與友人入座後，侍應畀咗兩杯不同口味的水，一杯係檸檬水，一杯係蝶豆花水，雖然唔係話好有新鮮感，但我好欣賞呢份小體貼。