Owens (將軍澳中心)

营业中

休息中

夜晚食個2人餐，都幾抵食，又沙律、湯、飲品、小食、主菜、甜品都只係五百幾，質素都唔錯，店員又有禮貌🌟蒜蓉/芝士焗生蠔🌟隻隻生蠔都成隻手掌咁大，蒜蓉係炒香過，食得出炒過嘅香味，生蠔又唔會腥，夠晒大粒，好惹味；芝士就好香口，兩種唔同風格🌟意式白酒煮蜆🌟一聞就聞到白酒味，蜆肉亦都好飽滿，索晒白酒酒香，加埋三色椒食賣相豐富🌟龍蝦汁虎蝦闊條麵🌟龍蝦汁頗為香濃，虎蝦蝦肉彈牙，闊條麵亦掛汁，愈食愈鮮味濃🌟美國安格斯肉眼牛扒🌟叫左五成熟，肉質都算鮮嫩，冇血水出，係粉粉地色，仲有燒汁同芥末你點，薯仔細細粒反而焗過之後幾好食🌟開心果麻糬提拉米蘇🌟開心果粒非常多，鋪滿晒係面，佢個開心果醬都幾濃郁，但又唔會覺得漏。入面係有煙韌麻糬，嚼得耐d等同個開心果碎混合食，一韌一脆，口感豐富🌟牛角窩夫配雪糕🌟牛角窩夫切落鬆脆，放雲尼拿雪糕係上面，慢慢等雪糕溶落窩夫上，唔會浪費左個雪糕🌟熱情奔放 戀愛世紀🌟兩杯都係夠晒清新爽口，唔會太甜