Table

营业中

休息中

平時經過將軍澳中心成日見到有人喺間餐廳門口排隊，今日難得經過唔使排隊所以就同屋企人入去食咗個午餐。餐廳嘅裝修非常別緻主要用咗木系設計，同埋有好多綠色植物，整體感覺令人非常舒適。今次我哋嗌咗兩個餐之後再加配小食薯條同埋鹿兒島黑豚餃子，另外仲加配餐湯同麵包添。炭燒西冷安格斯牛扒牛扒份量非常之充足，切開有微微嘅粉紅色煎至大概七成熟，牛味雖然唔算太濃不過肉肉質咬落非常嫩淋配上淋喺面嘅燒汁同埋新鮮炸起嘅配薯條真係冇得輸。莎當妮白酒煎焗龍脷柳龍脷柳雖然份量唔係太多，但勝在入口滑溜配上新薯，烤蘆筍同埋意大利陳年黑醋蕃茄莎莎增添口感。開心果朱古力蛋糕開心果味嘅蛋糕真係第一次食面頭鋪面咗一碎碎嘅開心果，味道不錯。意大利芝士蛋糕味道普通，略為偏甜少許鍾意食甜嘅朋友仔可以一試。凍椰奶骯髒咖啡&焦糖泡沫奶茶冰凍嘅椰奶面頭加上香濃嘅咖啡，入口順滑層次感十足，另外屋企人話個焦糖泡沫奶茶味道香甜有茶味值得一試。