Jo Jo Indian Cuisine

营业中

休息中

有唔少人，包括A姐都對印度菜卻步，全因為味道太濃，香料太多，屬於重口味嘅菜式。為咗令A姐改變呢個想法，今日我哋嚟到灣仔嘅Jo Jo Indian Cuisine，特別叫咗啲味道唔會太濃嘅代表性食物，等大家重新認識印度菜系嘅選擇其實好多，味道都好多元化。印度薄脆片 Papadam食西餐會送上麵包拼盤，而食印度餐就會送上印度薄脆片。呢個薄脆片可能啱啱炸起無耐，所以炸得非常香脆，但就略嫌有少少油。印度薄脆片嘅味道鹹香十足，配有三種特製嘅醬汁，分別係酸辣醬、甜醬同埋梅子醬，酸辣醬同甜醬都非常開胃，但呢個梅子醬就好酸，味道都幾重。脆炸薄圓球 Pani Puri如果話香港最出名嘅街頭小食係咖哩魚蛋，咁印度嘅代表就係脆炸薄圓球！呢個脆炸薄圓球已經預先開咗個窿，入面放有雞豆、薯蓉同洋蔥碎，食之前可以加入芒果醬汁或薄荷醬汁，令味道大大提升，非常有層次。雞肉串燒 Chicken Tikka唔想食重口味，唔想食咖哩，咁就一定要推介雞肉串燒！雞肉醃得好入味，帶有唔會太搶嘅印度香料味，加上以傳統古法香燒，令雞肉串燒仲帶有淡淡嘅焦香味。至於雞肉有六大件，份量十足。如果鍾意清新啲，可以加上檸檬汁，又會係另一種感覺。