北京樓 (MOKO新世紀廣場)

营业中

休息中

好耐以前同屋企人食過元朗間北京樓，記得個時食既烤鴨肥美多汁，近日行過沙田見到北京樓，一時口痕就入左去食，結果真係難食！食物方面我地叫左個4人餐（$888），認真呢個價係幾抵，然而，食物方面無一樣係打得～前菜（冷豔三併）難食到震，個茉莉花茶煙素鵝真係搞唔綻，一大陣煙灰同燶味。前菜既角色係開胃，但佢完美咁封左我個胃🤪。雲腿花膠雲吞雞湯咸到乜味都食唔出，飲完要博命灌水，雲吞足料幾好食。松子黃花魚，失敗！眾所周知黃花魚係海洋十寶之一，肉質鮮嫩。然而，呢道菜完美浪費左條魚！！條魚明顯炸過龍，魚肉有d鞋，外皮好硬仲要有浸臭油味 烤北京填鴨係今日既主角，講真，唔好食🤣鴨肉鞋得黎又瘦，無乜鴨香味。食完第一舊都唔想食第二舊🤧（同埋我7點20分已經叫員工烤左隻鴨先，結果8點40分先上呢隻鴨，大家都食飽哂先上🫠）估唔到成張枱唯一食哂既菜係瑤柱蛋白炒飯（足以證明其他餸菜幾唔太歡迎）🤧 炒飯炒得幾乾身香口，同出面酒樓一般水平。