那個ㄋㄚˋ ㄍㄜ (利奧坊)

营业中

休息中

一間非常推薦嘅台灣餐廳，食物有質素、性價比高、服務態度仲好好。大角咀新店設計亦非常有心思，以台灣鐵路為主題，好靚好有空間感。食物方面亦配合餐廳台灣鐵路嘅主題，加入鐵路便當嘅想法。滷排骨便當- 排骨酥脆可口又juicy，size超級大塊；滷香無骨豬髀便當 - 豬髀好腍好入味；紅燒牛腱湯關廟麵 - 牛腱厚切但軟嫩；嘉義雞肉拌麵鮮蛋拉麵 - 雞肉滿有芝麻香，鮮蛋拉麵非常煙靭香口。當然唔少得台灣夜市小食，夜市雞皮卷同臺南蝦捲最得我心。仲有大大杯台灣特色飲品，黑糖波霸奶茶、鳳梨冬瓜茶⋯諗起都想快啲再去台灣。佢地仲推出自家品牌嘅月餅，有傳統嘅流心奶黃，仲有神秘嘅台灣味道，快啲去訂購試吓啦～