上野鐵板燒專門店

营业中

休息中

食鐵板燒一般價錢都好貴，喺旺角食到間性價比幾高嘅鐵板燒。價錢比出邊嘅地方平成三份一，而且質素真係幾好，值得食。佢有多款二人餐可供選擇，我哋揀咗大蝦個二人餐。首先會有刺身三文魚及甜蝦，刺身食落去都幾新鮮；之後就會有麵豉湯及蟹柳沙律。前菜已經相當豐富。到主菜就有大蝦，大蝦真係好大隻，食落好爽口，蝦好新鮮啖啖肉。煎三文魚，三文魚煎得恰到好處，調味亦都相當好，唔會太老，手藝不錯。由於唔食牛所以轉左炒豚肉，炒豚肉整得好食，唔會好肥，而且肉質夠嫩。跟餐可揀炒烏冬或炒飯，我哋就揀咗炒飯，炒得好香口，然後仲有炒雜菜。