家賀屋刺身寿司專門店

最近我去咗灣仔的家賀屋，真係好正！呢間餐廳出名有好多款嘅海鮮刺身，特選海鮮丼定食一上枱就令我眼前一亮。碗裡面有鮑魚、三文魚、深海池魚、左口魚裙邊、拖羅赤貝、海膽，仲有三文魚子，真係超級奢華！每一種海鮮都鮮嫩無比，特別係海膽，入口滑溜，味道濃郁，令人一試成主顧。定食仲有沙律同茶碗蒸，沙律清新爽口，配合少少醬汁，正好可以平衡海鮮嘅濃郁。茶碗蒸則嫩滑得來，味道清淡，真係好好食。另外，我試咗大本鮪魚丼定食，真係大拖羅一次過嚟咗好多片，肉質厚實，鮮味十足，咬落去又彈又嫩，簡直係海鮮愛好者嘅天堂。整體嚟講，家賀屋不但提供新鮮嘅海鮮，仲有好好嘅服務 最後嘅甜品芝士蛋糕都冇令我失望！