帕維亞意大利餐廳

营业中

休息中

同朋友想靜靜地傾下計，就係九龍城搵到呢間食意大利菜嘅餐廳。環境簡單又空間大，幾適合摸下酒杯底，聚會去。餐包都好好食，芝麻包夠軟熟。黑松露菌忌廉汁意大利帶子牛肝菌雲吞 $198大概有6粒意大利雲吞。醬汁creamy又重黑松露味，好啱配搭雲吞。每粒雲吞入面都有帶子，帶子好彈牙，有鮮味。白酒煮新鮮紐西蘭青口 $208白酒清甜唔苦，好啱配搭青口。青口大隻又有鮮味！燒美國頂級西冷牛扒 $368牛扒燒到紋路好靚，牛味濃，旁邊既配菜薯蓉同南瓜都好食。