影片
更多
2013-08-23
8455 浏览
來這裡食過幾次才決心為它寫食評, $288+10% 時間由20:30-23:00 (可以坐到12點) 的宵夜buffet, 如果無信用卡優惠感覺唔算太抵, 因上年信用卡有75折優惠超抵, 但今年只有85折, 宵夜buffet的時間這麼早對我來說相當好, 剛好可以當晚餐食過飽。 主打東南亞美食款式唔多但每樣味道同食材都好味同新鮮, 上年有咖哩炒蟹, 今年就無咗炒蟹轉咗炒蝦仁同多咗魚生刺身, 其他就無咩太大變動, 可能有魚生所以優惠做唔到75折!炸蝦餅: 彈牙再配酸甜汁好味。炸魚餅: 味道一般。串燒: 有雞, 牛(定豬唔記得), 羊, 因為全部放在同一盤分唔到邊d係羊, 食了好蘇吐了......., 不過沙嗲汁好味夠濃。麵檔: 材料有牛展, 蝦蛟(size是蝦蛟皇), 四色丸, 蔬菜等。沙律: 有最好味的柚子蝦沙律, 海節沙律, 螺沙律。還有冬蔭公, 蒸魚, 蔬菜炒蝦仁(蝦仁無雪味爽口, 不停食), 羊肉角, 雜菜春卷, 香葉包雞, 千層麵, 炒飯樣樣都好味, 還有即製印度薄餅(本人唔太喜歡份量太大了)。甜品唔多但竟然有我的至愛西米焗布甸, 上年裝的杯有點大只食兩三杯便很飽, 今年轉了用細
炸蝦餅: 彈牙再配酸甜汁好味。炸魚餅: 味道一般。串燒: 有雞, 牛(定豬唔記得), 羊, 因為全部放在同一盤分唔到邊d係羊, 食了好蘇吐了......., 不過沙嗲汁好味夠濃。麵檔: 材料有牛展, 蝦蛟(size是蝦蛟皇), 四色丸, 蔬菜等。沙律: 有最好味的柚子蝦沙律, 海節沙律, 螺沙律。
還有冬蔭公, 蒸魚, 蔬菜炒蝦仁(蝦仁無雪味爽口, 不停食), 羊肉角, 雜菜春卷, 香葉包雞, 千層麵, 炒飯樣樣都好味, 還有即製印度薄餅(本人唔太喜歡份量太大了)。
甜品唔多但竟然有我的至愛西米焗布甸, 上年裝的杯有點大只食兩三杯便很飽, 今年轉了用細碗仔, 份量剛剛好。 還有迷你葡撻, 朱古力蛋糕, tiramisu, 芒果布甸等, 酒店水準合格。
雪糕唔知咩品牌, 軟軟的有雲哩嗱, 好酸同醒胃的檸檬味等都是好味。水果有西瓜, 哈蜜瓜, 火龍果, 波羅等, 夠新鮮香甜。最後品嚐一壺香濃紅茶加幾片檸檬, 還可消滯。
服務員親切refill快, 食物質數有水準, 還有即場樂隊唱歌, 兩人選擇梳化位舒適優閑的傾計及在輕鬆悅耳的歌聲中享受了三小時美食, 十分不錯。 但曾經有一次遇上自由行就有少許要搶食了, 還好都只是相遇過一次啫。
张贴
