更多
2017-10-18
113 浏览
嗰日約咗朋友去銅鑼灣食飯,朋友話帶咗我去一間食勝手丼嘅餐廳。餐廳位處謝斐道,位置方便由銅鑼灣地鐵站行過嚟都唔使5分鐘。餐廳有十數個座位,接受預訂,餐廳裝修好有日本風格。可以點已經配好嘅丼飯或者自己選擇喜歡嘅組合,價錢由$148到三百幾都有。套餐跟嘅前菜,沙律汁酸酸甜甜加埋新鮮嘅蔬菜好清新,螺肉醬汁味濃。五品丼顧名思義有五種刺身,魚生切得好厚身,三文魚肥美,赤蝦好大隻而且爽口彈牙,帆立貝鮮甜,油甘魚入口即溶,日本海膽有淡淡嘅海水味,所有刺身都好新鮮。北海蟹丼蟹腳同蟹鉗已經拆咗殼,方便客人享用好細心,蟹肉仲加左啲白飯魚兩種食物加埋味道好夾,蟹膏非常鮮甜。丼飯非常足料,餐廳壽司飯仲可以免費添加。店員態度仲好有善,食物亦非常超值。
店員態度仲好有善,食物亦非常超值。
张贴