❣️刺身❣️
🐟 油甘魚·白梅醬 - 油甘魚新鮮肥美，白梅酸甜醬汁帶出魚油香，高質。
🐟 真鯛魚·番茄香草汁 - 番茄香草汁清新帶微酸，突出魚鮮味。
🐚 帆立貝·香蒜橄欖油 - 蒜香橄欖油簡單提升帆立貝鮮味，帆立貝大粒鮮甜厚肉。
🐙 北海道八爪魚·香草汁 - 八爪魚彈牙入味，香草汁清香。
❣️主菜❣️
🔥 特選火炙壽司8款
火炙系列真心出色，尤其係帶子、甜蝦、左口魚邊同三文魚腩，微微炙燒逼出魚油香，配上特製醬油、醋飯，一件接一件唔覺意就食晒。
🍚 鰻魚飯
鰻魚燒得香口，醬汁濃郁唔會過甜，魚肉厚身無碎骨。
❣️放題小食❣️
🐟 香脆吞拿魚脆餅 - 吞拿魚蓉碎鋪滿，脆片十分香口，有驚喜。
🦑 海膽魷魚 - 海膽汁非常鮮甜濃郁，配上魷魚刺身的彈牙爽口，海膽控必點。
🥑辣味牛油果沙律 - 牛油果creamy得嚟帶微辣，沙律菜新鮮爽脆
🐟 吞拿魚沙律 - 吞拿魚新鮮油潤而不唔膩，配埋清爽蔬菜同特製醋芝麻醬汁，簡單但層次分明，非常開胃
🦐 ODDS海鮮沙律 - 海鮮種類包括三文魚及油甘魚，上面鋪滿蟹籽，口感豐富。
卷物
🦐 天婦羅蝦卷 - 天婦羅蝦脆口，外軟內脆，卷物口感豐富！
🥩 汁燒牛肉青瓜卷 - 牛肉燒得香口，配上汁燒味濃，青瓜清爽！
🧀 芝士火炙三文魚卷 - 火炙三文魚油香突出，芝士微融惹味。
🥑 加州卷 - 牛油果同玉子搭配正常，食落清爽。
甜品
🍮 焦糖燉蛋（生日特別版，需額外購買）
面層焦糖脆片燒得金黃，輕輕一敲就裂開，而燉蛋好滑身，蛋香濃得嚟唔會太甜，配上士多啤梨同藍莓，精緻又唔膩，為成晚完美作結。
🎉 貼心服務值得一讚
我訂座時特別要求想要媽咪生日的甜品，餐廳主動安排甜品同寫字，仲幫手影相留念📸
環境本身有格調，加上呢份驚喜，媽咪大讚同大滿足❤️
絕對係中環慶祝生日、紀念日嘅暖心推薦！
❣️一定會再encore，尤其想試埋佢個 A4黑毛和牛三食！🤤
