上海姥姥 (新達廣場)

营业中

休息中

九月某一個星期日晚同家人去咗新達廣場的上海姥姥食飯，7點鐘去到餐廳，好多人等位，等咗半小時才有位。待應好好，咁繁忙都幫我哋安排到二張相鄰嘅4人枱。叫咗好多菜，呢間上海菜好多款食物選擇，價錢又合理。本來唸住同朋友去九龍灣分店食，原來不設book 枱，可惜。當日人多，叫咗好多菜，小蘢包有水準，皮唔太厚，多肉汁。鍋貼冇試過，不過外表唔吸引，好似太淋。個涼菜四川松花皮蛋好味，都幾辣吓。醉雞好大份，雞肉好滑，洒味較少，小朋友也食到。個酸菜魚好啱我口味，唔太辣，多酸味，酸菜好味。魚好滑，魚嘅分量都多，有類似係薯粉嘅主食係底。其實仲叫咗黑醋骨同兩個蔬菜，一個奶油津白，一個蒜蓉菜。主食也叫了三個。全部食物都到水準，食得大家也好飽。