怡紅院火鍋料理

营业中

休息中

咁啱有朋友喺中環返工佢話帶我哋去怡紅院到尋歡，估唔到呢間餐廳真係叫怡紅院入邊嘅裝修格局都具有古典特色，每一角落都啱晒打卡用，充滿古色古香。佢連入邊餐牌都叫做賣身契同店員都係好似店小二嘅衣着打扮，令你恍如返到古代時期。我哋四個人打邊爐邀咗半隻花膠雞鍋做湯底，花膠都大大嚿湯底因為牛油果之後充滿骨膠原，夠晒真材實料年入邊啲雞肉都好嫩滑，唔好浪費。呢度嘅食品推介必點西班牙黑毛豬肉片，脂肪同肉嘅比例分布均勻令你讚不絕口。另外都推介手切牛頸脊，可以清晰見到牛既紋理，唔會有太多肥膏，配上花膠雞湯更突顯牛嘅腍軟。大家都可以試埋佢嘅皮蛋貢丸，一咬開又爆汁皮蛋估唔到味道有驚喜同好特別不妨一試。仲有佢嘅黑松露蟹餃都好好食可以見到粒餃子脹卜卜餡料其多好香嘅黑松露味絕無馬虎。整體呢間飾物10分高質真係一分錢一分貨。得閒同朋友食豪啲都唔錯。