熊拉麵 (白加士街)

营业中

休息中

某日放學見到好多人排，好奇之下就走左去食。呢個係期間限定，我食左其他拉麵因為呢個和洋混合嘅拉麵好似有啲重口味。我叫左最普通嘅豚骨拉麵，盛慧七十五蚊。如果想要蛋有款貴十蚊嘅包埋蛋。叉燒可以揀肥同瘦，我就揀左厚切叉燒。雖然佢寫係肥叉燒但塊叉燒唔算好肥，入口即融，好好食。湯底好厚但食落冇膩嘅感覺。另，因為個人鐘意硬嘅麵質揀左硬質，但可能我食得慢，食落同普通冇乜分別，不過都係好高質。總而言之呢間係我食過最好食嘅拉麵鋪之一，非常推介。