彩福皇宴 (安達中心)

营业中

休息中

今日呀媽黎公司附近搵我食午飯，兩個人就飲下茶啦！上左去安達中心13樓嘅彩福，疫情緩和，開返4個人一枱，好多人都出黎聚一聚啦！平時寫字樓區嘅尖東竟然去酒樓都要等位，好彩都係等幾張。坐低左開左茶啦！見到左推介紙話有個西澳龍蝦伊麵好抵食咁，於是就點左啦！另外就再點兩個點心啦！龍蝦到啦！店員話落錯單，俾左隻波士頓龍蝦我地，不過價錢會做低d，咁我地見個店員好有誠意同埋唔想浪費之下就接受啦！點知都好大驚喜，好好食，個上湯個味道校得超好，好入味，而龍蝦雖然係細隻左，但係都好大舊肉，我地兩個人都可以食晒成碟，真係好欣賞個上湯伊麵。之後我地都點左兩個點心，分別係鮑魚燒賣同埋奶黃流沙包。鮑魚燒賣就大大粒，食落去都好彈牙，裡面蝦肉都大大粒，最重要係隻鮑魚仔啦！都可以接受呀！最後就係個奶黃流流包啦！食之前就一定要注意，裡面d流沙奶黃真係好堅呀，一咬就流晒出黎，成手都係，但係個奶黃就真係好香，個包食落去又好有口感，最後兩個人都清晒3樣野，好滿足。下次會試下隻澳洲龍蝦。