榮安小食

营业中

休息中

本身喺荃灣見到呢間鋪頭裝修簡陋，但朋友話呢間車仔麵檔都幾出名。咁就入去試吓，點知呢間車仔麵真係名不虛傳。食完之後搞到我成日心思思想去荃灣再食多一次。呢度最低消費$30一碗， 但係車仔麵嘅餸選擇都幾多。 首先叫咗面底先。我鍾意食米粉， 個餸我就叫咗雞翼同埋雞翼尖仲有豆卜同豬大腸。但係我大力推介嘅就係呢度嘅雞翼同埋雞翼尖！真係滷得好入味，直到我依家打呢篇食評嗰陣時我都好掛住個雞翼🤩🤩但係我上OP見到其他朋友寫嘅食評，大致都係話呢度嘅服務態度好差而且面嘅質素亦都係一般。我就唔覺呢度服務態度啲咩太好或者太差，但係個麵食完之後就一試難忘啦。不愧為米芝蓮有得主。👍雖然呢度裝修麻麻哋，但係鍾意食車仔麵嘅朋友可以試吓。