永記潮州粉麵

营业中

休息中

星期六OT買左碗永記豬什慰勞下自己。永記d豬什真係好好味，個湯又夠鮮甜。一碗中豬什入面有薄切豬潤，豬粉腸，豬肺，豬心，豬腩肉，豬大腸，豬肚，豬耳。樣樣都洗得好乾淨冇臭味。除左豬什入面仲有其他配料，一打開蓋就見到一層牙菜，勁爽口。因為走青所以我碗豬什冇切粒芹菜係面，我見其他同事碗豬什靚好多，一片翠綠仲有好香芹菜味。雖然係外賣但因為分湯裝，所以返到公司豬潤仲好爽。我個人應為最好食就係豬潤，豬心，豬粉腸同個湯底，食得岀隻🐖真係好新鮮。